Prasastu Turryan kini masih berqada di tempat aslinya yaitu di Watugodeg, Tanggung, Turen, Kabupaten Malang. Prasasti Turyyan telah dialihaksarakan dan dibahas secara ringkas oleh J.G. de Casparis (1988).
Prasasti ini berangka tahun 851 saka atau 929 M di masa pemerintahan Mpu Sindok.
Bagian depan:
1. //om awighnam astu// swasti śakawarṣātīta 851 śrawaņamāsa tithi pañcadaśī śukla
2. pakṣa. wā. u. śū. wāra śrawananaṣktra. brahmanadewata. sobhāgyayoga. tatkāla nyā nugraha śrī mahārāja
3. rake hino dyaḥ siņḍok śrī īśānawikramadharmotuṅgadewawijaya. tumurun i ḍaṅ atu pu sāhitya anakbanua i
4. kulawara. sambhanda ḍaṅ atu manambaḥ i śrī mahārāja maminta inanugrahan lmaḥ paṅadaggananira kuśala. kārunya śrī mahārā
5. ja pinalwaṅakan sirah sawaḥ i turyyan mamuat paṅguhan su 3 piņḍa paṅguhan ikaŋ ri turyyan iŋ satahun mās ka 1
6. su 3. ikaŋ su 3 ya ta paṅanugraha śrī mahārāja. mwaŋ tgal kulwan iŋ lwaḥ mwaŋ lor niŋ pkan krama nikanaŋ lmaḥ kulwan iŋ lwaḥ ya paṅadaggana saŋ hyaŋ ka
7. bhaktyan. mwaŋ makabwattthajya ikeŋ saŋ hyaŋ ḍawuhan tus niŋ lwaḥ saṅka ri air lubaŋ. ikanaŋ lmaḥ lor niŋ pkan maknā kamulāna ika paṅgu
8. han su 3 ya saṅkana niṅ āyabyaya ikaŋ tgal kulwan bhawiṣyati dadya sawaḥ tambêha ni sawaḥ saŋ hyaŋ dharmma. nāhan anugraha śrī mahārāja i ḍa
9. ṅ atu. kunaŋ yathānyan tulusa swatantrā makon śrī mahārāja sumusuka. ya tlasnya prayukta umari ta yan lmaḥ kataņḍan. byasta saṅka ri patiḥ wahu
10. ta tan katamāna deni saprakāra niŋ māṅilala drêbya haji. paṅguhan. awur kaţik tatagan paṅuraŋ kriŋ paḍampi niŋ śāka taṅgaran. miśra hino tibā ta
11. mbwaŋ urutan dampulan patilek pamaņikan kalaṅkaŋ kutak malandaŋ lca tapahaji airhaji paṅaruhan limusgaluḥ paraṅakan ala
12. bbalab halubarak manimpiki trêpan watuwalaŋ rumban sikêpan saluit tiṅkês wijikawaḥ wilaŋbanwa kuladagaŋ juru guśali maŋrumbai maŋguñje tu
13. han juḍi juru jalir wli waduŋ wli kapur wli tambaŋ wli pañjut wli harêŋ pabêsar palamak pakaluṅkuŋ tpuŋkawuŋ suŋsuŋ paṅuraŋ pasukkalas payuṅan sipatwulut pā
14. ṅinnaṅin puluŋpadi hopan turunturun tuņḍān kḍi walyan mahaliman sambal sumbul hulun haji pamrêsi watak i jro. nāhan taṅ tumamā i
15. rikanaŋ sīma kewalā saŋ hyaŋ dharmma pramāņā i sadrêbyahajinya kabeḥ. samaŋkana sukhaduḥka. daņḍakudaņḍa maņḍihala wipati salaḥ pati. pjaḥ tanpa mayaŋ baṅke kabu
16. nan rāh kasawur wākcapala hastacapala mamūk mamuŋpaŋ. lūdan tūtan. saprakāra niŋ sukhaduḥka tan tamā ataḥ irikanaŋ sīma kunaŋ krama nikanaŋ masamwya
17. wahāra kapwa ya hihiṅana. yan kbo inulaŋnya prāṇa 2. sapi prāṇa 4. wḍus 8. aṇḍah sabantayan maguluṅan tluŋ pasaŋ mamutar tluŋ lumpaŋpaṇḍe wsi sobubban
18. atitiḥ sakulit paḍahi tluŋ taŋkilan paṇḍe mas satuhān paṇḍe tamwaga sagusali maparěana 3 paṇḍe kaŋsa 1 uṇḍahagi satuhān macadar 4 parahu 1
19. magalaha 3 tanpa tuṇḍāna. yāpwan pinikul dagaŋnya kaḍyāṅga niŋ mabasana masayaŋ maṅawari makaṅapur makaṅapur maṅuñjal makapas wuṅkuḍu wsi tambaga kaṅsa timaḥ buyaḥ paḍat
20. lṅa bras gula bsar kasumba saprakāra niŋ dwal pinikul kalmia bantal ri satuhān pikulpikullananya. yāpwan lbiḥ saṅkā irikā knāna sakalbiḥnya de saŋ
21. maṅilala sodhāra haji tann adhikāna. ndan makmitana ya tulis maṅke maṅke. maṅkanā turunyānugraha śrī mahārāja. maṅasěakan ḍaṅ atu mās pasěkpasěk i śrī mahārā
22. ja mās ka 1 su 10 wḍihan bwat kliŋ yu 1. i rakai sirikan dyaḥ mare inaṅsěan mās su 1 mā 4 wḍihan yu 1 rake wka dyaḥ balyaŋ inaŋsěan mās su 1 mā 4 wḍi
23. hān yu 1 rake kanuruhan dyaḥ mamumpuŋ inaŋsěan mās su 1 mā 4 wḍihan yu 1 rake pagaiṅan dyaḥ manalu samgat hujuŋ pu pyapya samgat aṅgěhan pu kuṇḍala. Samgat mā
24. daṇḍar pu padma kapwa sira inaṅsěan mās pasěkpasěk mā su 1 mā wḍihan yu 1 sowaŋ sowaŋ dyaḥ malawan wineḥ mā su 1 mā 4 wḍihan yu 1 tugaran irikanaŋ kāla dyaḥ maṇḍaraḥ inaŋ
25. sěan mās ka 1 wḍihan yu 1 ken sawlaḥ tiruan ḍapunta taritip inaŋsěan mās mā 10 wḍihan yu 1 amrāti hawaŋ wicak maŋhuri pu paṇḍamwan inaŋsěan mā 8 wḍi
26. han yu 1 sowaŋ samgat wadihati saŋ dinakara makudur pu balawān inaŋsěan mās mā 10 wḍihan yu 1 sowaŋ. tuhan i wadihati rua halaran saŋ lburpoḥ mirahmiraḥ saŋ halaŋ
27. pahaŋ inaŋsěan mā 4 wḍihan yu 1 sowaŋ muwaḥ makudur rua saŋ watuwaleŋ. saŋ ramase inaŋsěan 4 mā wḍihan yu 1 sowaŋ. paṅuraŋ i wadihati saŋ rawuṅu manuŋgu saŋ howanta. paṅuraŋ
28. i makudur saŋ rakběl. manuŋgū saŋ kulumpaŋ wineḥ mā 2 wḍihan yu 1 sowaŋ. citralekha i hino wineḥ mā 10 kinabehannira. muwaḥ mās maknā i saŋ lumaku manusuk samgat panusuḥ si tīkṣṇa
29. wineḥ mā 2 ma 8 wḍihan yu 1 iy aṅgěhan jukuter saŋ jaṅga mwaŋ juru gola wineḥ mās su 1 mā 4 wḍihan yu 1 sowaŋ. i wadihati dyaḥ bajra sinrahan mās su 1 wḍihan
30. yu 1 hop panistarā ni saji nira i makudur saŋ tpusan sinrahan mās su 1 wḍihan yu 1 hop panistarā ni saji nira. patiḥ i kanuruhan kawaṅyan saŋ prathama wineḥ mā wḍi
31. han yu 1 juru kalaŋ saŋ rakběl wḍihan yu 1 mā 4 parujar patiḥ rua si tanaḥ si juluk wḍihan yu 1 mā 4 sowaŋ. patiḥ i tugaran saŋ jaya wḍihan yu 1 mā 4 maŋhambin saŋ tulusāra wḍi
32. han yu 1 parujar patiḥ rua kaki mñok saŋ glataŋ. wḍihan yu 1 mā 4 sowaŋ paṅajaran i tugaran rua saŋ mala saŋ jaṅghala wḍihan yu 1 mā sowaŋ juru kalaŋ ḍapu tahil wḍiha
33. n yu 1 mā 4 paṅajaran lampuran saŋ jaya wḍihan yu 1 mā 4 wahuta rua pamagaran saŋ loka saŋ karaṅkaraṅan wḍihan yu 1 mā 2 sowaŋ. rāma i tugaran winkas saŋ prakasi
34. ta gusti saŋ lakṣita wḍihan yu 1 mā 4 sowaŋ. i turyyān kalaŋ saŋ krěp bapa ni kayanta. gusti saŋ jarā bapa ni paṇḍil hulu bwatan saŋ widdhi saŋ bule saŋ antat gusti wur(a)ḍu saŋ
35. kucil mā 2 wḍihan yu 1 sowaŋ. wariga i turyyān si mawendha. parujar si śuwa panulisan si nāda apkan si raṇḍuḥ si panek akajar si bulu si kaḍuk tuhālas si mā
36. ṇḍan si (j)atmī wḍihan hle 1 mā 2 sowaŋ. rāma i kulawara hulu wwatan saŋ wuluŋ saŋ jarujuŋ saŋ wasitā wḍihan yu hle [1] mā 2 sowaŋ rāma i pakiṅgahan saŋ maryyāda wḍihan yu 1 mā 2 rā
37. mā i bubuḍu pu paguŋ wḍihan yu 1 mā 4 panulisan saŋ krěḍap wḍihan yu 1 mā 3 rāma i lekan saŋ galiŋ saŋ campa kidaŋ pu prěhat rāma i paḍaŋ ḍapu ḍunak rāma i pamwatan saŋ
38. śulu i lahatan saŋ lam i guruŋguruŋ bapa ni jubu i guṇḍaŋ bapa ni kasal i wuntupari saŋ palpaŋ i priŋpriŋ saŋ kuśala i pañcuran dapu kalibban i laṅkid saŋ kris i neriti
39. ḍaman pagěḥ er paḍi bapa ni śrī. i er ṅel bapa ni śudya i hariṇi ḍapu malipir i pañjaṅawān saŋ taŋtaŋ winkas si kadut. i er gadiŋ saŋ darsana saŋ baḍiŋ saŋ bala i yu
40. gaśrī saŋ kalakar hulu wwatan saŋ rasuk nāhan rāma tpi siriŋ kapwa wineḥ wḍihan hle 1 mā 2 sowaŋ sowaŋ. muwaḥ rāma maratā i turyyān pāduka kěmi(t mā)
41. saŋ tuni saŋ puṇḍit saŋ ktakan saŋ kiñcit saŋ pupul saŋ basut saŋ skar saŋ garuguḥ saŋ tambir saŋ paryya saŋ karyyā saŋ garanaŋ ḍapu jaṇḍu saŋ śrī saŋ bahadī saŋ sīma saŋ śrama
42. saŋ sukha saŋ samun saŋ kuda saŋ maṅiṇḍiṅi saŋ basana saŋ nambat saŋ jbaḥ kapwah wineḥ mā 2 sowaŋ. muwaḥ saŋ mapatiḥ saŋ i kanuruhan maŋhambin saŋ prakasita patiḥ
Bagian Belakang:
1. pamgat saŋ hiranya kawaṅyan saŋ pratāpa panulisan saŋ prabha juru banwa saŋ r(e)wati
2. maniga saŋ mnil patiḥ lampuran saŋ banasa gusti saŋ walaḥ apkan saŋ kba(r) juru bwatoḥ saŋ saŋ
3. candra iŋ śāla hawaŋ buruṅuḥ hawaŋ papiŋ hawaŋ kuruḍu sinrahan mā 4 haḍaṅan prāṇa 1 so
4. waŋ. i tlas nikanaŋ pasakpasak sinrahakan umaŋső samgat mwaŋ saŋ wahuta hyaŋ kudur patiḥ
5. wahuta. anakwanwa rāma tpi siriŋ kabaiḥ kapwa mapaṅaliḥ humarěp i saŋ hyaŋ susuk lumkas
6. saŋ wahuta hyaŋ kudur maṅuyup maŋmaŋ manapate mamantiṅakan hantlū manatak gulu niŋ hayam
7. īndaḥ ta kita hyaŋ basundharī prěthiwi kita maŋḍahani hyaŋ nāgarāja lkarta kadi tguḥ saŋ hyaŋ gunuŋ tan ha
8. na umulaḥhulaḥ sira maṅkana katguḥhann ikeŋ lmaḥ sīmā ḍaṅ atu i turyyān yāpwan hana umulaḥhu
9. laḥ ya. patīya denyu ya. kamuŋ hyaŋ prithiwi te pati geŋ āku ya te pulirakna ya te paśeṣākna ya te
10. patwaddakna ya pappaddakan wkasakan hawu kerir yana ṅ waŋ manyāya lumbura ikeŋ lmaḥ sīmā. īndaḥ ta
11. kita hyaŋ kulumpaŋ. kita inandallakan sinusukkan kahanan iŋ gaṇa bhūta banaspati hyaŋ patasakan hyaŋ pa(d)u
12. kutan hyaŋ patagaṅan at thana ta kita kabeḥ tilu mahěm maŋhiraŋ hulu taḍahakan taliṅa paŋ rěnőnta an sinu
13. suk ikeŋ lmaḥ sīmā ḍaŋ atu i turyyān. kyan hana pwa umulaḥhulaḥ ya patīyananyu ya. kamu hyaŋ gaṇa bhūta pisā
14. ca te pakārākna te patěṅgěakna ya te patwaddakna ya pappaddakan wkasan hawu
15. kerir ya dewamanyu ya lumbura ikeŋ lmaḥ sīmā. īndaḥ ta kita hyaŋ hayam ṅuliḥhuliḥ ta kawuita
16. nyu wulu piliḥ paraṇo lumirit turaḥ niŋ hlan. hantlū ko tan bukan kaguluŋ ko tat tetes luma
17. kuko riŋ tgal san samber ko ṅuluŋ tan sikap ko ṅalap-alap lumeṅe ko riŋ lsuŋ taṅ palu ko
18. manutu tan titiban halu āpan ko dine paŋraha sīma kulumpaŋ tasak lagi lagi sumpaḥ palar matyana ya
19. de dewamanyu ya ta hlat kabwattaknanyu kāḍyāṅga nikanaŋ hayam māti tanpa saṅkān huwus mamaṅan mā
20. ṅinum mati tanpa haṣṭan maṅkana kamṅana nikanaṅ uaŋ manyāya lumbura ikeŋ lmaḥ sīmā. īndaḥ ta kita hyaŋ ba
21. prakeśwara brahmā wiṣṇu mahādewa, rawi śaśī kṣiti jala pawana hutāśana yajamānākāśa dharma kāla mrětyu sandhyā
22. dwaya ahoratri yama baruṇa kuwera bāsawa yakṣa rākṣasa piśāca rāmadewata sura ga
23. ruḍa gandharwa widyādhara dewaputra nandīśwara mahākāla nāgarāja wināyaka. kita tuwi
24. sakweḥ tan hyaŋ prasiddha rumakṣa ŋ kaḍatwan śrī mahārāja bhūmi matarām kita pinakahurip niŋ rāt kabaiḥ
25. na ri(kaŋ) hati niṅ waŋ kabaiḥ tan kabutī nāhan kyan hana pwa manyāya lumbura ikeŋ lmaḥ sīmā. huñjammakan
26. i paṅadagganya samsammakan i paluṅguhanya tampyal i wiriṅan tutuḥ tuṇḍanya siwak kapāla
27. nya ḍuhak wtaŋnya waḍul dalamanya rantann ususnya paṅan hatinya inum raḥnya te paṅeśakna ya te pakarā
28. kna ya te patěṅgěākna ya te patwaddakna ya pappaddakan wkasakan hawu kerir nāhan hamṅāna
29. nikanaŋ ṅ waŋ manyāya lumbura ikeŋ lmaḥ sīma ḍaṅ atu. i tlass saŋ mapatiḥ wahuta anak
30. wanwa rāma tpi siriŋ maṅrěnő sapata umuwaḥ sira mamaṅan maṅinum yathāsukha irikaŋ
31. pkan i turyyān maněhěr masawuṅan manawuŋ karuŋ makatěwěk śrī mahārāja makaḍatwan i tā
32. mwlaŋ//.// swasti dīrghāyu//